miércoles, 10 de mayo de 2017

Cambios no horto

Estamos a experimentar unha serie de novos cambios nos nosos dominios:
    - O máis fermoso deles é o relativo ós nosos cultivos. Estes estan a medrar que da gusto. Á maioría deles xa lles podemos ver a flor e algúns xa botaron froito, como é o caso dos chícharos ou os amorodos. Qué boa pinta teñen!

Apañando as nabizas
Patacas e bolboreta



Amorodos


Flor de cabaciño
Vainas de chícharos


         - O outro cambio é que rematamos de pintar o alpendre por dentro! Levounos unha semaniña de esforzo, pero valeu a pena. O cambio é impresionante e a cor branca permite que se sexa un espazo máis luminoso no que poder traballar. Agora só queda pintalo por fora, para que o cambio sexa completo. 


Alpendre sen pintar
Empezando a pintar

Alpendre xa pintado





miércoles, 26 de abril de 2017

Experimentando... con 2º de Primaria

Hoxe viñeron os alumnos e alumnas de 2º de Primaria ó laboratorio para facer 4 experimentos semellantes ós dos científicos que eles están a estudar. Antes de facer o experimento, tiñan ler unha pequena guía que lles indicaba que pasos a seguir e, posteriormente, poñerse mans á obra! Por último, tiñan que cubrir unha pequena ficha coas observacións e as conclusións de cada experimento.
 O certo é que os nosos rapaces non lle teñen nada que envexar ós grandes científicos!!

Leendo a guía


Cubrindo a ficha cas conclusións


 Os experimentos realizados foron:
1.- Facer un compás caseiro. Para iso utilizaron un recipiente con auga, unha agulla de coser, que imantaron, e un anaco de cortizo. Colocaron o cortizo flotando sobre a auga e a agulla imantada. Esta comezará a xirar ata que se detén sinalando o norte.
Imantando a agulla
Colocando a agulla e o cortizo na auga
  

2.- Estudar a densidade e a refracción da luz. Para iso encheron un vaso de precipitados con auga, aceite e alcohol, observando como se quedan un enriba doutro e non se misturan (xa que teñen densidades distintas). Despois meteron un pau de madeira, e viron como parecía que este se rompía en tres fragmentos (debido a refracción).

Enchendo o vaso con alcohol
    Estudando a refracción


 
3.-Observar células vexetais no microscopio.

Mirando polo microscopio


4.- Experimento de Arquímedes: Tiveron que medir o volume do seu lapis, goma e sacapuntas utilizando unha probeta con auga. Ó introducir cada un destes elementos na probeta, a auga subía, dando o valor do volume dos obxectos que introducían. Os alumnos e alumnas tiñan que dicir cal dos tres ocupaba máis volume.

Enchendo a probeta con auga                     Mentendo o lapis na probeta

Calculando o volume da goma
 



 



miércoles, 12 de abril de 2017

O xardín dos sentidos

Unha vez os alumnos de 3º da ESO remataron as xardineiras (para as que utilizaron as clases de tecnoloxía), colocámolas nun aramado localizado no patio de Infantil. Para iso utilizamos arame de metal e pasadores. Despois, enchémolas de terra e plantamos nelas plantas aromáticas (romeiro, tomello, lavanda, ourego e pirixel). Para que non se encharquen de auga, antes de botar a terra colocamos grava e area, que filtra a auga en gran medida.

Tito colocando as xardiñeiras

Botando a grava

Engadindo terra


Plantando as plantas aromáticas
Mans cheas de area

O xardín dos sentidos rematado

lunes, 10 de abril de 2017

Exposición dos traballos

Ós alumnos e alumnas de 3º pedíuselles que buscasen, por grupos, información sobre certos insectos que podemos atopar no horto (nome, hábitat, beneficios/danos para o horto e curiosidades), para coñecelos e saber os seus beneficios ou danos para o horto. Ademais, para este pequeno traballo, os alumnos e alumnas deberían facer unha maqueta do animal,  traer algunha fotografía ou facer un debuxo do mesmo. Unha vez rematado, leron os traballos diante da clase, con resultados espectaculares. O alumnado esforzouse moito e a súailusión foi desbordante.
 
Maqueta eiruga

Maqueta abellas no seu panal

Maqueta crisopa

Maquetas de esquerda a dereita:
escarabello da pataca, cabaliño do demo e cempés

Aquí tedes un vídeo con fragmentos das exposicións. Espero que vos guste!










domingo, 26 de marzo de 2017

Proxecto "bechos"

Estamos comezando cun novo proxecto cos alumnos de 3º de Primaria, que pretende un maior coñecemento e unha sensibilización co mundo dos insectos, mediante o estudio e o coidado destes animais. Así, despois de ver o documental La vida de los insectos, pedíuselles ós alumnos e alumnas de cada clase que pensasen nun bicho para traer e coidar na clase. Os bichos escollidos foron os insectos pau, saltóns e caracois. 

Con estes insectos, primeiro fíxose unha acividade de investigación nas casa, para coñecelos ben e saber como coidalos. Os alumnos trouxeron moreas de información, e a moitos deixoúselle que a lesen na clase, para o resto dos compañeiros. 








Posterioemente, fixemos unha actividade de investigación nas aulas. Para iso, fixemos dúas columnas nun folio: Nunha delas escribimos todo o que sabiamos de animal e noutra preguntas que nos fomos facendo na clase: Cómo se comunican entre eles? Por onde respiran? Para qué serven as antenas? Nacen con cucha ou sen ela? A cunha crece con eles ou van cambiándoa?
 





martes, 21 de marzo de 2017

Día Internacional dos Bosques

Este día de celebración mundial dos bosques bríndanos a oportunidade de concienciarnos sobre a importancia de todos os tipos de ecosistemas boscosos , e de celebrar as diferentes maneiras nas que os bosques nos manteñen e protexen. Como exemplos dos beneficios das árbores para nós e para o planeta enteiro pódense mencionar:
   - A madeira é unha fonte de enerxía renovable e ten múltiples usos.
   - Cuntribúen a unha maior calidade de vida e ao aforro enerxético nas zonas urbanas.
   -  Axudan a frear o cambio climático
   -  Fomentan o desenvolvemento sustentable
   - Parmiten a vida de múltiples animais e de outras plantas.


Para conmemorar este día, explicóuselle ós alumnos de 2º de Primaria a forma axeitada de plantar unha árbore, tanto a partires da semente como mediante transplante. Ademais, fixemos unha pequena actividade con eles: A planatción dunha espiral de aromáticas, que atraerán co seu cheiro a miles de polinizadores ó horto. As plantas escollidas foron: fiuncho, menta, lavanda, albahaca e romero.







  

lunes, 13 de marzo de 2017

Unha mañá en Belvís

As alumnas e alumnos de 5º de Primaria asistiron estes días a unha actividade promovida polo CIPX (Centro de Interpretación de Paisaxes e Xadíns) denominada "Unha mañá en Belvís". Esta actividade dividíase nunha charla sobre aves (características, hábitats, curiosidades e conservación) e nunha saída dicáctica polo parque de Belvís, onde aprenderon sobre a cultura, as plantas e o coidado do medio ambiente.








 Para rematar, o guía levounos polas hortas veciñais, onde aprendimos novos trucos para usar na nosa horta e novas plantas e asociacións que poder plantar na nosa horta.





A visitia tan entretida que os rapaces e rapazas quedaron con moitas ganas de voltar. A ver se repetimos para o ano!

miércoles, 8 de marzo de 2017

Facendo os sementeiros

Boas! Coa entrada de Marzo e co final do inverno xa preto, comezamos a facer os sementeiros que conterán as hortalizas elixidas polos alumnos e alumnas de 5º de Primaria.

Para iso, utilizamos tubos de cartón, provenientes do papel de cociña ou do papel hixiénico. Este é un método ecolóxico de plantación, pois reutilízanse os tubos de cartón que normalmente tiraríamos ó lixo. Ademais, ó seren biodegradables, pódense introducir na terra ó transplantar a planta, aportando materia orgánica beneficiosa para o chan.

O proceso de plantación é moi sinxelo, e quedou moi ben explicado por dúas das nosas alumnas de 5º, aquí vos deixo o vídeo. Anímosvos a que probedes este método!!




Nota: É conveniente cortar os tubos de cociña á metade, para que non sexan tan longos.








lunes, 27 de febrero de 2017

Proxecto "O noso horto"

Este ano, a cada unha das clases de 5º de Primaria cedéuselle unha porción da horta escolar para que a cultivasen e coidasen das hortalizas elixidas por eles mesmos. Para iso, tiveron que medir o terreo (usando cinta mética) e facer os cálculos necesarios para unha división igualitaria do mesmo.

Facendo os cálculos para dividir o terreo en tres partes iguais
Medindo o terreo

Despois, tras un duro proceso de elección de sementes (tiveron que estudar as relacións beneficiosas entre as plantas e escoller aquelas que mellor lle conviñan), realizaremos a plantación das mesmas, atendendo ó calendario lunar. Segundo este, durante a segunda semana de Marzo haberá lua crecente, periodo no que aproveitaremos para facer os sementeiros, pois é cando as plantas crecen máis vigorosas e fortes. Esta vez utilizaremos unha técnica especial e ecolóxica, que vos explicaremos na seguinte entrada.

Boa plantación a todos!!

miércoles, 8 de febrero de 2017

Alimentación saudable

Debido a que estas últimas semanas de fortes choivas e temporais nos manteñen retidos na clase, aproveitamos para falar sobre alimentación saudable. Nestas clases danse consellos para mellorar a alimentación dos alumnos e alumnas e para favorecer o consumo de froitas e hortalizas en lugar de doces ou fritos. O certo é que se mostran ben interesados e fan preguntas moi interesantes.
Entre os consellos, podemos destacar:

 1.- Hai que comer variado. Ó día debemos incluír máis de 40 nutrientes, e para iso debemos comer un pouco de cada sector da roda dos alimentos.
2.- Os hidratos de carbono son a base da alimentación. Debes incluír en cada comida unha ración de hidratos de carbono (cereais, pasta, pan, arroz, etc.)
3.- Hai que consumir 5 racións de froita e de verduras. Unha boa forma é tomando a media mañá e á merenda unha froita.
4.- Debenos reducir o consumo de doces e refrescos, que apenas aportan nutrientes e conteñen moitos azúcares; así como das graxas (manteiga, touciño, chocolate, comida rápida...)
5.- O almorzo é a comida máis importante do día. Un bo almorzo é o que contén leite, cereais e unha peza de froita.
6.- Hai que beber moita auga. Aconsellase beber como mínimo 5 vasos de auga ó día.
7.- É importante facer 5 comidas ó día, e non saltarse ningunha! xa que irás con máis fame á seguinte e terás máis tentación de caer en alimentos graxos.
8.- Fai moito exercicio. Unha das mellores formas de cobatir a obesidade é facer exercicio. Móvete!!




Ademais, fixemos na clase un exercicio para variar unhas dietas pouco saudables e un test para saber se a nosa alimentación é saudable, e a maioría sacou altas puntuacións!!! E ti... tes unha alimentación saudable?