Xa temos auga gratis!!

 O grupo de Erasmus + de 1º da ESO estivo a deseñar e construir un sistema de canalización e aproveitamento da auga da chuvia para encher un depósito de 1.000 litros para reutilizala para o regadío na horta escolar. Aqúi tedes unhas imaxes do proceso que comezou alá polo mes de novembro e que finalmente finalizamos no mes de abril. Xa temos o tamque cheo (en dúas xornadas de chuvia, encheuse!!) e agora imos seguir con proxecto para rematar de construir o sistema de riego na horta cunha bomba de auga, tubos microperforados, válvulas, goteros e  temporalizadores nos grifos.

Intercambio en Compostela Proxecto 1º ESO: Amizade e Sustentabilidade Lisboa-Compostela

 O tempo voa, as plantas medran e o xabón cura: Resultados dun intercambio inesquecible

Hai xa un mes que despedimos aos nosos compañeiros e compañeiras de Portugal, pero a súa pegada segue moi presente no noso centro. O proxecto Erasmus+ non é só viaxar, é plantar sementes (literal e figuradamente) que seguen dando froitos moito despois da despedida.

Hoxe queremos compartir con vós a evolución de dous dos obradoiros que máis nos gustaron:

• O noso horto escolar: Aquelas sementes que plantamos con tanto coidado xuntos xa son pequenas plantas cheas de vida. Ver como agroman lévanos de volta a aquelas mañás de traballo compartido na terra, onde a lingua non foi barreira para aprender sobre sustentabilidade.

• Xabón reciclado: Despois de catro semanas de espera para o correcto curado, os xabóns artesanais que elaboramos no laboratorio xa están listos. Reciclar aceite usado para convertelo en algo tan útil e creativo foi unha lección de química e respecto polo medio ambiente que non esqueceremos.

Este intercambio deixou en nós algo máis que coñecemento técnico: deixou unha rede de amizade que, ao igual que o noso horto, non para de medrar.

Grazas a todos os que fixestes posible esta experiencia! 🇵🇹🤝🇪🇸

Imaxe dunha das actividades levadas a cabo no mes de marzo (14 ao 21) no horto escolar e laboratorio no intercambio co colexio Valssasina de Lisboa (PortugaL)

Aproveitamento de sementes do horto

 Nestes días de novembro estivemos a recoller e aproveitar as sementes do horto recollidas no mes de setembro coma: fabas, xudías, tomates cherries, cabazas, etc para clasificalas e poñer a resgardo da humidade para poder facer uns sementeiros á volta do Nadal. Con estas sementes queremos obter unhas plántulas no mes de marzo cando veñan os portugueses dentro do Proxecto Erasmus +. Xa veredes os resultados.

Na imaxe (propia) podedes observar as fabas, sementes de tomates, cabazas e outras no proceso de separación e secado.

Invernadoiro listo

 

Invernadoiro cuberto e semilleiro en marcha!

Hoxe foi un día de moitos progresos e risas no Club Erasmus de 1º de ESO! Xa lle podemos poñer un check ben grande a unha das tarefas principais: colocamos o plástico do invernadoiro 🏡! Despois de todo o traballo de preparar a estrutura, velo listo para protexer as nosas futuras plantas é unha pasada.

Ademais de traballar duro para deixar o invernadoiro perfecto, tamén rematamos de retirar os rastroxos que quedaban, deixando as parcelas listas e superlimpas 🧹. O terreo está case a gritar: "Plantade en min!".

E por suposto, estivemos separando e organizando as sementes con moito coidado. Estamos a montar o noso semilleiro 🌱 e isto xa vai en serio! E o mellor de todo é que gravamos todo! Queremos que vexades cada paso, por se alguén se anima 😉

Proxecto Erasmus + 1º ESO

Neste enlace podedes seguir o novo proxecto de Erasmus + de 1º ESO.

Proxecto Erasmus 1º ESO

Tutorial leitugas lisas

 Neste vídeo, a modo tutorial, feito polo grupo de traballo do Erasmus de sexto curso, formado por: Nuria, Carlota e Quique podedes saber máis, sobre o cultivo de leitugas lisas verdes en mallas anti-herbas,

Grupo Erasmus

Aqui tedes outros pequeno grupo alumnos do equipo de traballo do proxecto da auga do Erasmus e eTwinning

 

Cultivos de cabazas, pementos en mallas anti-herbas

 

Titorial plantado de pementos de Padrón

 Hoxe levamos a cabo o plantado de pementos de Padón (dos que uns pican e outros non) no horto escolar cos alumnos de sexto de primaria. Aquí tedes o vídeo feito por eles cun simple móbil e unha app de edición de vídeo, espero vos guste!!.Grazas

Construcción de vivac no horto escolar

 Na área de Ed. Física estamos a aproveitar os espazos verdes do colexio coma os xardíns e horto escolar, para construir un refuxio improvisado ou vivac con ramas e canas de bambú, que se atopan na parcela ou xardín diante do pavillón do cole. O vivac foi feito polo alumnado de sexto dentro das actividades na natureza de Ed Fisica, deste curso escolar.