Investigando entre borrascas

Como xa vos informamos, estamos facendo un gran esforzo nos procesos experimentais para darlle resposta as nosas preguntas. Adiantámosvos información confidencial dos nosos traballos para que vexades que no horto non perdemos o tempo:

En 3ºEP  comezamos unha investigación acerca do rego das plantas, xa que, quen non se preguntou máis dunha vez:

• Cantas veces temos que regar as nosas plantas? 
• Canta auga temos que botar de cada vez?

Por iso deseñamos unha serie de experimentos para comprobar cantas veces é necesarios botarlle auga a un sementeiro e, con distintas cantidades de auga, analizamos canta agua quedaba dispoñible para as nosas sementes (as macetas que utilizamos son de 7,5cm altura e 10cm de diámetro).

Folla da recollida de datos dos experimentos

Sustratos empegados para o estudo

Por otra parte en 5ºEP cada clase escolleu a súa investigación:

En 5ºA decidiron estudar:

•   Cal é o pH do zume das plantas?

Esta pregunta ocorréuselles ós rapaces despois de ver en ciencias naturais o tema das plantas e, en horto, o concepto do pH. Pensaron que, coñecendo o pH das plantas poderían axustar mellor os coidados necesarios para o pequeno ecosistema do horto escolar.

Escala de valores de pH

En 5ºB decidiron investigar: 

• Quen son os habitantes do horto?  

Os animais que viven no horto pero vemos moi de vez en cando. Aquí dividímonos por grupos, e cada un estudará parte da fauna do ecosistema hortícola. Despois, a representación de toda a información recollida, como é; o seu nome científico, a alimentación da especie, o hábitat, de quen é presa e de quen é depredador… o presentarán en forma de colaxe, para darlle luz e cor ó coñecemento.

En 5ºC, despois de debater ente estudar os buratos negros do espazo ou o xénero dos caracois decantáronse por facer a investigación dos caracois, xa que a hai conceptos de física que de momento  se nos escapan… pero quen sabe? Poderá ser una investigación futura dalgún dos nosos alumnos.

Construíndo os terrarios, fogar dos caracois.

Realizando as primeiras observacións

Ademais de traballar en investigación tivemos tempo para facer as nosas tarxetas de Nadal. Nelas, quixemos representar as cores do outono, aquelas que veñen dadas polos distintos pigmentos das follas e soamente podemos observarlas nestas datas, cando as follas perden a cor verde e saen a relucir as cores enmascaradas pola clorofila.

Facendo as tarxetas dos pigmentos das follas de distintas cores recollidas no outono.

Volveremos o mes que ven con boas novas.

Disfrutade das vacacións e...  Bo Nadal a tod@s!

Entre chuvascada e chuvascada traballamos no Lab!

Como di o refraneiro…”Dende Santos a Nadal é inverno natural” e nós, como bos horticultores/as , hibernamos no laboratorio pero sen perder de vista a horta, por iso estamos a preparar os sementeiros da nosa futura colleita primaveral.

Entre chuvascos e fortes ventos comezamos os nosos traballos de investigacións no laboratorio do colexio. Os rapaces e rapazas de 3º e 5º de primaria convertéronse en pequenos/as científicos/as nos seus propios traballos experimentais, utilizando de primeira man o método científico. Grazas a el podemos darlle resposta ás preguntas que nos roldan na cachola, convertendo a experimentación  na base do noso coñecemento.

Non vos imos contar o que estamos a investigar, teredes que esperar uns meses para ver os resultados, pero si vos podemos adiantar que como bos hortícolas o noso traballo vai sobre o solo, as plantas e os habitantes deste pequeno ecosistema que é a nosa horta.

Ate o mes que ven compañeiros/as!

5ªEP Realizando os traballos de investigación sobre as plantas e 3ºEP sobre o solo.

Volta ó traballo hortícola

Volvemos un ano máis a horta en compañía! Este ano o lema do noso colexio é a escoita e estamos dispostas a traballar nela escoitando as nosos compañeiros/as e ós nosos cultivos para facer unha gran comunidade hortícola onde podamos aprender uns dos/cos outros/as.

Este primeiro mes dedicámonos, como de costume, a recoller as sementes dos cultivos do curso pasado, recadamos sementes de leituga (a nosa gran aliada) e de cebola. Ademais recollemos algunha pataca e tamén cenorias (un pouco pequenas, pero moi saborosas!).

Tamén recollemos o noso compost, elaborado con moito agarimo polos alumnos/as do ano pasado e ,como non, comezamos a facer a compostaxe que recolleremos o curso que ven, rico en mazás silvestres para darlle o toque da nosa horta.

Volveremos con boas novas! Mentres tanto, seguimos traballando arrincando as malas herbas que aproveitaron o verán para encher os nosos muros de pintorescas tramas de Hedera helix  (Hedra común).

A beleza esplendorosa da nosa horta en primavera.

Boas compañeiros/as,

Seguimos con moitas tarefas dende o horto. Este mes de maio a horta encóntrase en todo o seu esplendor. Xa tivemos a primeira colleita de leitugas que algúns afortunados/as puideron deleitar na súa casa. Pero non soamente temos leitugas, se non que as amorodeiras están cheas!! E en breves poderemos deleitar os primeiros amorodos da primavera. 

Temos xa moitos dos cultivos ben crecidiños; acelgas, porros, trigo, cebolo , fabas… pero tamén creceu dabondo a herba, polo que estes días estivemos moi ocupados cortándoa e arranxando a horta. Aproveitamos para facer mulch, pois  xa que fai bo tempo dispersámolas herbas  polo terreo para facer herba seca e así protexer os nosos cultivos e a terra.

Colocando o mulch (acolchado ou mantillo para protexer os cultivos e o terreo)

Os nenos/as de 3º EP traballaron moito a paciencia neste trimestre, como? Aprendendo a facer titores para as plantas e atándoos  utilizando as propias follas das herbas do horto. O método é infalible! Non é doado pero é posible!

Facendo os titores para as fabas.

Os maiores tamén traballaron moi duro, limpando o noso gran muro de hedras, coidando das nosas árbores e hortalizas e traballando na prevención das pragas e enfermidades, tamén realizando o mantemento dos nosos compostoiros. 

Traballando xuntos tomando decisións no deseño da  horta.

Non hai que esquecer que estamos en mes de transplantes e todos os sementeiros que fixemos no invernos xa están a puntiño, dispostos a meterse baixo terra!

Dende o horto queremos destacar  que o día 25 de Abril foi o día internacional do ADN, celebrámolo no laboratorio facendo unha extracción do ADN de tomate. Foi toda unha experiencia poder velo ao microscopio. Os rapaces puideron observar a nai da diversidade, que non só os humanos temos ADN, se non tamén tódolos seres vivos incluídas as plantas!

Realizando a extracción do ADN de tomate.

Despedímonos ate o mes que ven e esperamos que a horta siga medrando, a este ritmo non nos cabe dúbida!

Vémonos no horto, sempre, en compañía! :)

Proxectos de futuro

Boas a todos/as compañeiros/as!

Non nos esquecemos do blog, aquí estamos de novo para contarvos todo o que estamos a facer no horto.

Estas últimas semanas o frío inverno e as intensas xeadas déronnos unha tregua para comezar a arar o terreo e a preparar e delimitar os nosos bancais para os vindeiros transplantes. Grazas a axuda do alumnado de 6ºEP (que desmontaron uns palés que non se estaban a usar), puidemos construír uns caixóns para delimitar os bancais no horto. Algo tamén sementamos, pero xa volo ensinaremos cando comece a medrar.

Colocando os caixóns

Por outra banda, o alumnado de 3º EP estivo traballando moito na horta, pero tamén tiveron tempo para a investigación científica. Durante os meses de xaneiro e febreiro, os rapaces fixeron un pequeno experimento. Preguntáronse se a música clásica podía influír na xerminación e no desenrolo das plantas.  Vos qué pensades? Xa temos resultados, pero non volos imos dicir aínda, facede este experimento na casa e logo comentamos!!

Preparando os sementeiros para o estudo

Foi un traballo moi rigoroso, no que semanalmente os rapaces anotaban nunha folla unha serie de datos dunha mostra control (sen exposición musical) e da mostra experimenta (a que lle poñían música tódalas semanas). Nestas follas anotaban cando sementaron as plantas, canto tempo tiñan a música posta, cantas plantas xerminaron, cando e que altura tiña cada planta. Todos eses datos analizámolos para chegar a unha conclusión, e se vos animades a facelo na casa esperamos que vos tamén cheguedes a ela.

Medindo a altura das plantas xerminadas

Recollendo os datos obtidos

Foi toda unha experiencia  pois nunca o método científico fora tan divertido de traballar!!

Por outra parte o alumnado de 5ºEP está metido de cheo na construción dun sistema de cultivo hidropónico. Se vos soa a chinés preguntádelle os rapaces, eles xa vos poden explicar que os sistemas de cultivo hidropónico serven para cultivar plantas con auga en vez de terra, xa que aquí os nutrientes se disolven na auga. E para iso están a facer unha estrutura de 3 niveis, con capacidade para 24 plantas. Eles mesmos están tomando as medidas dos tubos de PVC, cortando e montando. Xa temos os tres niveis da estrutura e o esqueleto principal. Agora seguimos en marcha para unir cada un dos niveis e que poda recircular a auga a través do sistema. Toda unha obra de enxeñería  que esperamos poder ensinarvos pronto e posta en marcha!

Cortando os tubos

Montando a estrutura

Polo de agora seguimos traballando!

Iremos informando de boas novas. E xa sabedes…

 Vémonos no horto, sempre, en compañía! J