Tocou nesta semana, aproveitando o bo tempo, facer as labores de: limpeza, segado, poda, recollida do lixo e reciclaxe de plásticos etc do horto escolar na hora de ciencias e EF.
Aquí tedes algunha imaxe cos meus compañeiros e o seu traballo realizado
Fonte: Imaxes do profe Tito. Nova elaborada polos alumnos de 6º
Aquí os deixamos, máis abaixo, unhas imaxes do horto despois das labores de limpeza levadas a cabo no mes de decembro.E comezamos as seguintes tarefas para finais deste mes de ecembro e xaneiro.
Xa estamos no mes de decembro e toca poñer a punto as zonas de cultivos de tempada coma os chícharos.
1º.- Faremos un primeiro cultivo con sustrato (terra abonada) nunhas pequenas macetas para a continuación facer o trasplante a parcela que estamos a preparar.
2.-Ficha dos chícharos:
Nome da planta nos diferentes idiomas.
Tipo: anano e mediano (arredor duns 90 cms).
Orixe: produtores da zona do val do Ulla-Padrón-Herbón.
Engadir o seguimento con: data de sementado, data de regado e primeiro brote, data de trasplantes a terra, crecemento semanal, data da floración, data do froito, data de recolección.
Así está a quedar o horto despois das primeiras sesións de limpeza, acondicionamento e mantenemento da parcela do horto para comezar o sembrado en xaneiro e febreiro do 2023.
Comeza un novo curso escolar e por tanto, un novo proxecto ecolóxico e medioambiental.
Este ano queremos recuperar o valor pedagóxico do horto escolar.
As actividades e tarefas do primeiro trimestre serán:
-Limpeza e acondicionamento das parcelas do horto do centro
-Reparto dos espazos.
-Acondicionamento e mantenemento dos invernadoiros (grande e pequenos).
-Limpeza dos compostadores
O 24 de Outubro celebrouse o "Día Mundial contra o Cambio Climático", unha data que dende o equipo de Medioambiente do centro consideramos de especial interese pola súa importancia.
Dende Infantil e toda primaria levaron a cabo todo tipo de actividades nas aulas ( visualización de vídeos, xogos interactivos, traballo de fichas e manualidades) para acercar as nenas e nenos este grave problema o que nos enfrentamos na actualidade, o cambio climático.
Hoxe venres 4, tivemos entre nós, a Santiago Neiro. É un axente forestal da Consellería de Medio Rural que sempre está disposto para ensinarnos moitas cousas sobre o coidado e respeto da natureza no noso colexio. Participa cada ano de xeito desinteresado.A súa charla versou sobre: ecosistemas e a súa protección, a reciclaxe, as especies autóctonas e invasoras (animais e flora), o lume e un sinfín de consellos, inquedanzas e ensinanzas.Moitas grazas outro ano máis, Santiago.
Aproveitamos para celebrar o día Mundial do Medio ambiente que é mañan 5 de xuño para 5º e 6º de Ed Primaria no salón de actos do colexio.
Para plantar as fresas, aproveitamos unhas tubaxes de outros anos, e construimos esta estructura grazas a imaxinación e creatividade do noso profe Tito. Realmente quedou moi chula!!, servirá dun ano para outro.
Poidemos descubrir estes días, grazas as treboadas e a calor, unha especie de serpe que non é serpe senón un lagarto sen pes!!. Iso nos dixo o noso profe Tito. Chámase lución ou escáncer, un lagarto sen pes.Dócil. Atopamos 4 mentras estamos a preparar a terra para os cultivos. Aquí podedes ver coma xogamos con eles e démolo a coñecer ao resto de compañeiros e incluso algún curso de nenos máis pequenos de 2º EP que se atopoban de visita ao horto esta semana.
Coas visitas e actividades programadas no horto, estamos coñecendo as numerosas especies arbóreas que temos neste espazo verde do colexio: as sobreiras, carballos, figueira, maceiras, pereira, kaki, kiwis, faias, espiños, limoeiro, marmelos, sauco, acivro, etc.
Estivemos a retirar a cortiza das sobreiras para logo fabricar algún artiluxio: barco, posavasos,..
