ESTUDANDO O SOLO

Por mor das chuvias (benvidas son) esta semana traballamos no laboratorio coñecendo un pouquiño o solo e a súa importancia. Para isto traballamos co concepto de permeabilidade, observándoa  nas diferentes capas polas que está composto o solo facendo un experimento, pasando auga polos distintos materiais que o conforman e observando o que sucede, e relacionamos o observado coa necesidade da auga para as plantas.

Ademais cos alumnos de 5º de EP observamos distintas estruturas vexetais ó microscopio e tamén á lupa, e observamos a fotosínteses no musgo.

A COLLEITA!

Durante toda a semana os grupos de 3º y 5º de EP. puxéronse a  traballar no horto realizando distintas labores. Recoller a colleita, sacar os antigos cultivos, traballar o terreo, e ademais recolleron material vexetal e montóns das mazás do horto para a preparación da compostaxe deste ano. Todo isto foi levado a cabo mediante grupos de traballo, onde cada un con autonomía propia e tamén co seu equipo de traballo realizaba as tarefas asignadas, sempre baixo supervisión da encargada do horto.

A colleita de fabas e millo

COÑECENDO O NOSO HORTO ESCOLAR

Nesta semana baixamos ó horto para que os rapaces observaran o estado de conservación despois de estar todo o verán sen os coidados necesarios de mantemento, e falamos das tarefas que teriamos que levar a cabo para poñelo en marcha.

Como xogo de apertura para as nosas aulas os alumnos fixeron equipos e dividíronse por parcelas para descubrir as distintas especies arbóreas e os diferentes cultivos que temos no horto para finalizar poñendo en común coa clase todo o identificado.

BENVIDOS!

Ola a todos e benvidos! 

O novo curso escolar xa comezou e con el poñemos en marcha por quinto ano consecutivo o horto do colexio. Este ano os alumnos e alumnas de 3º e 5º de educación primaria dispoñen dunha hora complementaria para a actividade de Horto, pero non soamente se beneficiarán eles das actividades no horto, se non que, como levamos facendo ano tras ano,intentaremos traballar no horto co resto dos cursos da educación primaria. 

A idea é un horto como ferramenta educativa. Un lugar onde facilitar a aprendizaxe de temas ambientais e de aspectos da ciencia en xeral, ademais de traballar a educación ambiental e entender as relacións do ser humano coa natureza.

Iremos contando no blog todo o que acontece no horto e no laboratorio!

Aquí vos deixo unha imaxe de como se encontra o horto nestes momentos. Temos moito traballo por diante.

Saúdos!

 

 

 

 

Hotel de bichos

Como remate final do proxecto "bechos" decidimos construír unha zona no horto que atraiga insectos beneficiosos para nós.

  -  Qué insectos atrae esta estructura? O hotel para bichos está consturído de tal forma que se favorezcn refuxios para uns determinados insectos que nos interesen, como poden ser as abellas, as tixeretas, os cempés, os escaravellos, as arañas de xardín ou as crisopas.

  -  Qué fan estes insectos por nós? Pois ben, estes insectos encárganse tanto de polinizar as plantas do horto como previlas de certas pragas, como pode ser o pulgón, pois aliméntanse de insectos que causan estragos nas nosas colleitas.

  -  Qué facemos nós por eles? Construímoslles múltiples refuxios onde poidan habitar de maneira permanente ou transitoria, sen preocupárense por que os devoren animais máis grandes. Para iso utilizamos palla, pedras, tellas, ladrillos, madeira, paus de podas...

O resultado é un resort  con tódalas comodidades para os nosos pequenos amigos.

Montando a estrutura

Podando o bambú para despois cortalo

Enchendo ladrillos con palla

Seleccioanando os paus

Facendo refuxios con grava

Colgando macetas con palla

Hotel finalizado

Experimentos de laboratorio con 3º

Esta semana levamos ós alumnos e alumnas de 3º  ó laboratorio de novo, para realizar dous experimentos que tanto lles gustan:
  -  Maxia con cores: Neste sinxelo experimento, explicado paso a paso nos vídeos que vos deixo a continuación, obsérvase o cambio de cor nos líquidos utilizados como resultado das reaccións químicas que teñen lugar entre os compostos disoltos neles.

 

Parte 1

 

                                                                       Parte 2

- Inflar un globo sen soplar: Para iso utilízase únicamente bicarbonato e vinagre. Primeiro introducimos o bicarbonato no globo que queremos inflar. Despois enchemos o cú dunha botella de pequena con vinagre. Por último, vaciamos o contido do globo na botella e... globo inflado! Deixovos un link cos pasos a seguir, para que o probedes na casa. https://www.youtube.com/watch?v=tcmJSvWqDRw

Facendo espantallos

Os espantallos son moi útiles para escorrentar aqueles paxaros que se alimentan das sementes acabadas de sementar ou ben dos froitos de plantas xa maduras, estragando as colleitas. Para evitar perdas e divertirnos un pouco, fixemos varios tipos de espantallos:
 - Cos alumnos de 3º de Primaria fixemos un espantallo tradicional, con forma de boneco. Para iso empregamos palla que trouxeron dous alumnos e roupa vella. Tras unha votación decidimos chamar ó novo protector do horto Fermín.

Fermín

 

3ºB

3ºC

3ºA

  - Con 5º de Primaria fixemos espantallos máis sofisticados, con formas de muíño de vento e de flor. Os rapaces traballaron moito e pintáronnos eles mesmos.

Facendo os espantallos

Espantallo polbo colgante

Pintando as flores

Espantallo de flor

Compostaxe en Compañía de María

Queredes saber cómo facemos compost no colexio Compañía de María? As alumnas e alumnos de 3º explícannolo neste vídeo (fragmentado en dúas partes).

Parte 1

Parte 2

Cambios no horto

Estamos a experimentar unha serie de novos cambios nos nosos dominios:
    - O máis fermoso deles é o relativo ós nosos cultivos. Estes estan a medrar que da gusto. Á maioría deles xa lles podemos ver a flor e algúns xa botaron froito, como é o caso dos chícharos ou os amorodos. Qué boa pinta teñen!

Apañando as nabizas

Patacas e bolboreta

Amorodos

Flor de cabaciño

Vainas de chícharos

         - O outro cambio é que rematamos de pintar o alpendre por dentro! Levounos unha semaniña de esforzo, pero valeu a pena. O cambio é impresionante e a cor branca permite que se sexa un espazo máis luminoso no que poder traballar. Agora só queda pintalo por fora, para que o cambio sexa completo. 

Alpendre sen pintar

Empezando a pintar

Alpendre xa pintado